Supervista del magazin international de novas, Panorama in interlingua
28 paginas in cata edition sex vices per anno - e completemente in interlingua. Panorama in interlingua es le magazin del Union Mundial pro Interlingua.

Informationes international in interlingua – imprimite e digital

UMI  Panorama in interlingua es un magazin international de novas, que appare sex vices per anno completemente in interlingua e ben illustrate.

Panorama es ideal pro sequer le labor pro diffunder le cognoscentia a e le uso de interlingua. Ci on trova tote le novas, recensiones de nove libros e magazines, e novas del personas qui labora pro e in interlingua.

28 paginas in cata edition face Panorama ideal, quando on vole sequer le labor pro diffunder le cognoscentia a e le uso de interlingua in tote le mundo.

Correspondentes contribue con articulos super themas que on non trova in altere magazines, e novas central e actual es presentate in un interlingua clar. Le multe breve notas es un bon maniera de apprender interlingua. Panorama assi contine lectura pro nove interessatos e pro lectores avantiate in interlingua, e le contento es pro isto anque usate in le inseniamento de interlingua.

On pote devenir abonato digital e assi reciper Panorama como un file PDF directemente in su cassa e-postal - in plen colores e plus rapidemente que le version imprimite. Le version digital es identic con le version imprimite, ma le abonamento digital es plus economic.

Redaction  Administration/abonamento 
Panorama in interlingua
Kirkeholmen 10
DK-2630 Taastrup
Danmark
 Union Mundial pro Interlingua
Alberto Mardegan
Tovarishcheskiy 32k1, kv 471
193231, Sancte Petroburgo
Russia

Informationes practic

  • ISSN 0903-2932
  • Panorama ha apparite desde januario-februario 1988
  • Editor: le Union Mundial pro Interlingua
  • 6 editiones per anno
  • 28 paginas totalmente in interlingua in cata edition

Clicca ci pro Panorama novembre-decembre 2014 como specimen (formato: PDF)