Skip navigation.
Home

Practica interlingua

Studiar interlingua

UMI Il ha multe possibilitates pro practicar interlingua. Clicca sur le ligamines, e investiga.

Compra e lege libros
Compra e lege le multe libros in interlingua publicate per Lulu. Visita anque le gratuite Bibliotheca digital in interlingua que offere un collection sempre crescente de e-libros e audiolibros, preste a discargar. Il ha in ultra un section con dictionarios e cursos gratuite, alcunos con audio.
 
Abona te a Panorama
Abona te al revista Panorama in Interlingua.
 
Radio Interlingua e films
Radio Interlingua presenta un nove emission de 15-30 minutas e totalmente in interlingua cata mense; tu pote ascoltar lo directemente ci in www.interlingua.com o discargar le emissiones in le formato MP3. Omne le previe emissiones es presente sempre. Radio Interlingua presenta novas, interviews, narrationes e musica per multe voces differente ab tote le mundo.
Visita anque le section con Films in interlingua. Il ha presentationes in multe linguas national e films general in interlingua - un bon maniera de apprender le lingua per ascoltar e vider.
 
Multe materiales gratuite
www.interlingua.com contine un section con materiales gratuite pro le inseniamento de interlingua. Nove materiales es sempre addite. Il ha exercitios, curte textos etc. Visita anque le section Interlingua pro juniores que presenta multe altere materiales amusante e interessante, specialmente pro juvenes.
 
Conferentias international de interlingua
Participa in le Conferentias International de Interlingua e in le incontros national que es arrangiate in multe paises. Seque le novas.
 
Correspondentia
Corresponde per posta traditional con personas de tote le mundo. Clicca ci pro consilios pro corresponder in interlingua e modellos de correspondentia
 
Supporto active national
Participa in le activitates del organisationes national de interlingua. Vide plus in le section Info national, e reguarda anque le films in interlingua con curte presentationes in le linguas national.
 
Foros electronic in interlingua
Abona te al gruppo Facebook de interlingua, create pro practicar interlingua e scriber super omne themas. E/o scribe in interlingua super omne themas que te interessa in le foro digital Interforo. Ecce un Mini-guida: Active uso de interlingua in Interforo que explica como usar Interforo. (Nota ben: iste foros es gerite per tertie personas e le UMI non pote acceptar responsabilitate pro illos.)
 
Scribe interlingua in le "chat"
Usa interlingua directemente per participar in le "chat" (conversation electronic) per Internet. Usatores de interlingua corresponde in tempore real. Clicca ci pro saper como acceder al chat!
Initio del pagina