Skip navigation.
Home

Interlingua pro juniores

B E N V E N I T E    A L    J U N I O R E S !

Iste parte de www.interlingua.com es pro te - pro juniores con interesse pro interlingua.

Interlingua es facile e amusante a apprender. Dunque tote le tempore nove materiales, libros, exercitios, cantos etc. va apparer ci. Tu pote ci trovar textos amusante e interessante con multe illustrationes.

Vide le instruction - e amusa te!

In iste pagina tu trova:

  • Le alphabeto de interlingua
  • Lotteria de picturas in interlingua
  • Interlingua pro tu computator!
  • Tu proprie calendario de interlingua
  • Bon avisos quando tu es in Internet o usa le chat
  • Adjuta pro mathematica
  • Geographia in interlingua
  • Interlingua illustrate pro juniores


Le alphabeto de interlingua

Cognosce tu le alphabeto de interlingua? Iste belle placard in formato A3 es un bon assistente - e tu pote naturalmente imprimer lo in formato A4, si tu impressor non pote imprimer in A3.

Le alphabeto de interlingua




Lotteria de picturas in interlingua

Isto es un amusante joco pro tote le familia con picturas. On debe combinar le pictura con le texto correcte - un excellente maniera de apprender interlingua. Tote le illustrationes es in colores.

Instruction:
1. Pro usar le lotteria, imprime le duo folios con picturas per un impressor de colores.
2. Pois, torna le papiro, assi que le reverso es in supra e replacia le papiro in le impressor.
3. Imprime alora al reverso le folio con le texto pro le reverso.
4. Finalmente, seca le folias, assi que le resultato es parve cartas.

Assi tu joca:
Placia tote le cartas con le reverso in alto. Misce los ben. Prende alora duo cartas. Si illos corresponde, tu los ha ganiate, e illos vade ex le joco. Si illos non corresponde, tu debe replaciar los al positiones que illos habeva - sempre con le reverso in alto.

Le persona qui in le fin ha ganiate le plus grande numero de cartas correspondente, gania le joco.

Lotteria de picturas in interlingua
Discarga le prime folio | Discarga le secunde folio
Discarga le texto pro le reverso



Interlingua pro tu computator!

Da tu schermo computatorial un poco de interlingua. Discarga iste tapis in nuances blau con le texto "interlingua – communication sin frontieras". Illo es preste in duo formatos: 1280 × 1024 e 1920 × 1280. Pro discargar le files a tu proprie computator, clicca con le button dextere del mus e selige "Salva destination como..." (o similemente).

Discarga 1280 × 1024 | Discarga 1920 × 1280

O discarga iste tapises con le texto "Interlingua – naturalmente" e in le basse angulo sinistre "communication sin frontieras - www.interlingua.com". Illos es preste in duo grandores: 1280 × 1024 e 1920 × 1280.

Discarga 1280 × 1024 Discarga 1280 × 1024 Discarga 1280 × 1024
Discarga 1920 × 1280 Discarga 1920 × 1280 Discarga 1920 × 1280

O usa iste tapis con belle flores estive con le texto "Interlingua – naturalmente" e in le basse angulo sinistre "communication sin frontieras - www.interlingua.com". Illos es preste in duo grandores: 1280 × 1024 e 1920 × 1280..

Discarga 1280 × 1024 | Discarga 1920 × 1280



Tu proprie calendario in interlingua!

Apprende le dies e le menses in interlingua. Imprime tu proprie calendario in interlingua, e colora lo. Selige le calendario que tu prefere - e clicca al pictura pro haber tu proprie copia de illo.

 



Bon avisos quando tu es in Internet o usa le chat


Usa tu Internet e le chat? Alora tu debe esser caute de non dar informationes personal a alteres. Nos ha colligite alcun bon consilios a te, assi que tu pote haber multe bon experientias - e non problemas. Clicca ci!



Adjuta pro mathematica


Ci es un tabella de multiplication, assi que tu sempre pote trovar le solution correcte, quando tu studia mathematica. Il ha un tabella grande e un tabella plus parve - practic pro haber in le tasca in le schola.
(Clicca sur le illustration!)
Tabella de multiplication



Geographia in interlingua


Tote le paises in le mundo in interlingua - pote tu trovar tu pais? E cognosce tu tote le altere paises?


Geographia: Paises e factos - un supervista del mundo in interlingua. Un bon test de tu intelligentia!




Interlingua illustrate pro juniores


Sex papiros con multe illustrationes adjuta te apprender interlingua. Isto es un mini-curso illustrate de interlingua. Prende un penna! E trova anque tu pennas de colores!
Initio del pagina