Inspiration international

Interlingua es representate con organisationes national e membros in cinque continentes.

  Un longe serie de organisationes national e international representa interlingua in tote le mundo. Nove interessatos assi obtene contacto plus rapide e plus proxime, e le labor informative pote esser adaptate al conditiones local.

Le Union Mundial pro Interlingua (UMI) ha organisationes, representantes e membros national in cinque continentes. Le organisationes e representantes national collabora inter se e coordina le effortios pro diffunder le uso e cognoscentia de interlingua.

Le motto de interlingua pro isto es communication sin frontieras.

Vendita international de libros per Internet

Le Servicio de Libros UMI es le casa editorial e distributor de libros del Union Mundial pro Interlingua. De Nederland es vendite tote litteratura belletristic e professional in interlingua, obras traducite como original. Le Servicio de Libros UMI esseva fundate in 1974 pro facilitar trovar e comprar titulos de interlingua. Hodie le catalogo de libros continua crescer in Internet, del qual on pote ordinar e pagar per carta a credito quasi un qualcunque libro de interlingua e haber lo livrate per posta. Le organisationes national de interlingua anque distribue e vende typicamente un selection minor de titulos.

Le adresse del Servicio de Libros UMI es:
www.interlingua.com/libros