Amalia (José Mármol)
Amalia es un publication rar. Un novella genuin, de qualitate, con un historia interessante e capturante – e presentate in un interlingua simple ma sempre natural e assi offerente le optime lectura in interlingua pro le relativemente nove studiante.
Si tosto que on cognosce le cosas ordinari del grammatica de interlingua, il es tempore leger pro apprender ben le lingua – e leger ver libros, il es.
Amalia es le novella sudamerican le plus importante del 19-ne seculo - dramatic e humoristic. Illo tracta del periodo del tyrannia de Juan Manuel de Rosas e presenta crimines, passiones e heroismo al mesme tempore.
José Mármol (1817-1871) es le autor argentin, qui publicava le novella quando in exilio in Montevideo, Uruguay, in 1851. Le scopo del libro es dar al studiante lectura interessante in interlingua. Le libro pote esser usate post breve studios e presenta un historia interessante scribite in un interlingua simple ma natural e idiomatic. Assi on developpa systematicamente le habilitate de leger e comprender interlingua, como se nota in le prologo.
Le obra es un adaptation in interlingua de un manual de espaniol, publicate per J.C. Babcock e M.B. Rodriguez al casa editorial The Riverside Press in 1949. Le edition in interlingua es publicate con le permission del proprietate de Babcock.
Selahattin Kayalar, qui es de origine turc e es empleate in le administration spatial american NASA, ha facite un excellente labor traducente le historia in interlingua.
Le historia es annotate, assi que le studiante trova explicationes (in anglese) in le pedes del paginas. Isto es un bon adjuta pro continuar leger sin stoppar pro consultar un dictionario.
In le fin del publication, il ha un breve grammatica de interlingua – e in interlingua – super le formas del verbos, un lista del pronomines personal etc. Pois seque exercitios variate e extense pro tote le 18 capitu los del libro. E finalmente seque 18 paginas con tote le vocabulos usate in le libro, omnes traducite in anglese. Le vocabulario comprehende expressiones utile.
José Mármol: "Amalia" , traducite in interlingua per Selahattin Kayalar, 2006, 88 pp. A4.
Discarga le libro!