
LE HISTORIA

	Presentation
	Navigation
	Redaction
	Le UMI

LE MERCATO

	Le Mercato Historic

CONFERENTIAS

	Conferentias international
	Incontros nordic



PUBLICATIONES

	Magazines
	Interlingua in le pressa
	Summarios
	Libros



BIOGRAPHIAS

	Personas A-Z

Ronald V. Spathaky

Grande Britannia
Nascite: le 22 de novembre 1914

Un del grande motores pro interlingua in Grande Britannia e in le resto del mundo ha essite Ronald V. Spathaky.

Ille nasceva in le citate Cardiff in le pais de Galles. Post studios in n schola ordinari secundari de Sheffield, ille obteneva un entrata gratuite al Universitate de Sheffield, ubi ille durante tres annos studiava litteraturas francese e anglese. Post isto, ille completava un anno de studios pedagogic pro devenir inseniante.

Ronald V. Spathaky esseva professor de francese e germano al Thorpe Grammar School in Thorpe, vicin a Norwich.

Ronald Spathaky participava in le annos 1950 con André Schild (Suissa) in le labor de Russell F. Trimble (SUA) de elaborar un nomenclatura de compositos chimic in interlingua.

Ronald Spathaky assisteva 1955-1960 como redactor general e litterari del magazin official del Union Mundial pro Interlingua, Currero, que in 1957 cambiava nomine a Bulletin de Interlingua. In Currero, ille scribeva plure articulos, specialmente super le pedagogica de linguas e super le nomenclaturas e lor interesse pro interlingua. Ille esseva active al establimento del Societate Britannic pro Interlingua in 1956, cuje presidente ille esseva durante un periodo.

In 1971, ille participava - i.a. con Brian C. Sexton - in le 4-te Conferentia International de Interlingua in Basel, Suissa, e ille esseva le arrangiator principal del 5-te Conferentia International in Norwich, 1973, que reestabliva le tradition de conferentias de interlingua.

In 1975, Peter Berwick, Brian C. Sexton e Ronald Spathaky - omnes del Societate Britannic pro Interlingua - comenciava compilar un nove dictionario anglese-interlingua, usante circa 10.000 parolas seligite per Spathaky. Plus tarde, post le completion del prime edition, Spathaky resignava, e Frank Esterhill (SUA) prendeva su placia. Le resultato del dictionario, sub redaction de F.P. Gopsill, appareva como "Concise English-Interlingua Dictionary" in 1987.

Post su retirata como professor de francese e germano, ille comenciava laborar voluntari pro le Universitate de Cambridge del tertie etate. Su materia es le paranormal. Ille habita in Cambridge con su sposa Kath.

Ronald Spathaky esseva le coproprietario de un yacht, su orgolio de gaudio, con su filio.

Revidite: 2006-12-29