Historia de interlingua

Ellipse colorate
Le redaction detra
Interlingua 2001

Le redaction de Interlingua 2001 esseva appunctate durante le 13-tie Conferentia International de Interlingua in Strasbourg, Francia, in 1997.

Jesper Olsson, julio 2000. Photo: Thomas BreinstrupJesper Olsson, nascite 1973, esseva le presidente del Union Mundial pro Interlingua (UMI) de 1999 a 2001 e le vice-presidente del Societate Svedese pro Interlingua (SSI) de 1998 a 2002. Ille studia russo e linguistica general al universitate de Lund, Svedia, e scribe actualmente su these doctoral. Desde 1994, ille ha habite missiones de confidentia in le mundo del studentes e esseva 1997-1998 vice-presidente del Corporation del studentes humanistic de Lund. Jesper Olsson habeva su prime contacto con interlingua in 1987-1988 e deveniva membro un-duo annos plus tarde.

Ingvar Stenström, Borne, julio 1993. Photo: Piet CleijIngvar Stenström, nascite 1928, es fil. mag. (magistro philosophic) e le plus proxime que on veni a un nativo de parlar interlingua. Durante annos, ille ha essite le dynamo scandinave e ha professionalisate le diffusion de interlingua, primo per introducer lo in 1967 in le gymnasio svedese, secundo per le edition professional de su duo "bestsellers": "Interlingua - instrumento moderne de communication international" (Esselte, 1972) e "Interlingua-svensk ordbok" (Studentlitteratur, Lunds Universitet, 1995). Su manual es un merce de exportation global. Hodie pensionate ab le gymnasio in Varberg. Fundator del Societate Svedese pro Interlingua e veterano participante in omne conferentias international de interlingua, excepte un. Co-fundator del Union Mundial pro Interlingua e un multo appreciate orator. Co-initiator del incontros nordic biennal desde 1988.

Thomas BreinstrupThomas Breinstrup, nascite 1965, es jornalista de profession e usator de interlingua desde 1980. Ille ha 1981-1987 editate le magazin bimensual private Heraldo de Interlingua que desde januario 1988 fusionava con Currero International de Interlingua e deveniva Panorama in Interlingua, un magazin de novas publicate omne duo menses. Thomas Breinstrup es autor de un serie de libros in e super interlingua, es desde 1983 secretario del Union Danese pro Interlingua e desde 1982 un de duo membros danese del consilio general del Union Mundial pro Interlingua.
  
Revidite: 2006-12-29

Cerca le Historia de interlingua per FreeFind

ADJUTA LE REDACTION
Le redaction de Interlingua 2001 pote esser contactate per le e-posta: historia@ interlingua.com. Commentarios, correctiones e nove informationes (lo que anque comprehende photos, documentos etc.) es multo benvenite.

Bent Andersen (Danmark) e Piet Cleij (Nederland) contribue regularmente per leger probas del paginas historic pro evitar errores. Le redaction es multo grate pro lor adjuta.