Skip navigation.
Home

Nove representante de interlingua in Espania

Active usator de interlingua deveni le nove representante in Espania, durante que le labor continua pro establir un organisation official.

UMI  Le Union Mundial pro Interlingua (UMI) ha eligite un nove representante official in Espania.

Josu Lavin ha desde le fin de 2008 essite le informator de interlingua pro le Pais Basc ma esseva in junio appunctate le representante de interlingua in tote Espania usque le fundation de un Union Iberic pro Interlingua. Ille substitue Luís García Dopico, economo international, qui desira esser reimplaciate pois que ille hodie habita in le SUA, ubi ille es un membro del consilio administrative del Societate American pro Interlingua.

Josu Lavin ha essite un diligente scriptor in interlingua. Ille ha comenciate le labor de compilar numerose dictionarios. In 2009 ille redigeva le version espaniol del curso de interlingua pro comenciantes in 15 lectiones, scribite per Thomas Breinstrup; iste curso on pote prender gratuitemente (clicca ci). In martio 2010 appareva le version espaniol del manual le plus traducite in ulle lingua, "Interlingua - instrumento moderne de communication international" per Ingvar Stenström; le redactor del version espaniol esseva Josu Lavin.

Josu Lavin es anque le motor del sito http://ia.wiktionary.org, ha livrate le informationes in basco pro www.interlingua.com (clicca ci) e ha i.a. presentate interlingua in le radio de Bilbao, le urbe principal del region basc. Ille anque ha essite presentator in Radio Interlingua.

Lege plus:
Experientia: Interlingua functiona in Espania
Famose manual publicate in espaniol Nove representante de interlingua in Portugal
Universitate repete curso de interlingua
Nove edition de mini-dictionario catalan
Curso de interlingua in espaniol in 15 lectiones

Initio del pagina