Skip navigation.
Home

Experientia: Interlingua functiona in Espania

|

Le secretario general del UMI narra super su uso de interlingua durante un visita in Espania.

UMI  Interlingua es un instrumento multo utile, quando on viagia in Espania e non cognosce le lingua local.

Isto es le experientia de Sven Frank, le secretario general del Union Mundial pro Interlingua (UMI), qui in februario visitava Espania pro consultar con le representantes e activistas de interlingua sur le Peninsula Iberic. Sven Frank narra super le resultatos practic - e amusante - in le emission le plus recente de Radio Interlingua.

Le emission numero 19 anque contine novas actual e un interview con Martijn Dekker, Nederland, ante que ille deveniva le vice-secretario del UMI. Le radio es plen de musica interessante.

Radio Interlingua es un servicio gratuite del UMI. Illo recomenciava in augusto 2008 post quasi dece annos de pausa e presenta cata mense un nove programma con interviews, novas, musica etc. Toto es in interlingua, assi que on pote audir, como interlingua es un lingua in plen flor e multo vivente, gratias al multe voces qui participa in le labor.

Tote le usque ora 19 programmas de Radio Interlingua pote esser ascoltate directemente del adresse www.interlingua.com/radio o discargate in formato MP3, assi que on pote audir lo quando e ubi on lo vole.

Le radio ha devenite immensemente popular con milles de ascoltatores.


Lege anque:
Secretario general: Multe activitates a expectar (2009-11-03)
Un anno con Radio Interlingua (2009-09-26)
Musica e interviews in Radio Interlingua (2009-07-21)
Interview in interlingua con puero de 2 annos (2009-06-10)
Interview con le historico (2009-03-02)
Jocos, musica e interview in Radio Interlingua (2009-02-14)
Milles ascolta Radio Interlingua (2009-01-24)
Nove programma de Radio Interlingua (2009-01-18)
Maestro de parolas in Radio Interlingua (2008-12-08)
Nove programma de Radio Interlingua (2008-11-07)
Nove emission de Radio Interlingua (2008-09-15)
Radio Interlingua retorna (2008-08-17)
Initio del pagina