Skip navigation.
Home

Curso de interlingua in espaniol in 15 lectiones

Nove e gratuite curso electronic de interlingua pro hispanophonos.

UMI  Interlingua in 15 lectiones gratuite pro personas, qui parla espaniol. Un tal curso es ora disponibile de www.interlingua.com.

Thomas Breinstrup, redactor del magazin official del Union Mundial pro Interlingua, Panorama in interlingua, ha preparate le curso, que ha essite adaptate pro hispanophonos per Josu Lavin.

Le curso consiste de 10 lectiones basic que presenta le grammatica e pois cinque lectiones con conversationes e textos con plus de parolas. Il ha un grammatica, un clave al exercitios e un vocabulario con le circa 750 parolas del curso.

Tote le curso es presentate in forma electronic in le formato PDF, assi que on pote leger lo sur le schermo o imprimer lo sur papiro. Il es permittite usar le curso pro uso personal ma non distribuer o publicar lo.

Le curso anque existe in versiones norvegian e anglese (per Åsmund Knutson), italian (per Italo Notarstefano) e german (Franz Schmiedeberg).

Collige le curso ci:
Curso basic de interlingua pro hispanophonos


Visita le section Dictionarios e cursos con multe materiales pro le studio in multe linguas

Initio del pagina