|
 |
Francis Markstein
Canada
Nascite: (non cognite) 1914- (non cognite) 1991
Francis Markstein nasceva in Hungaria 1914. Compellite a fortiate labor de sclavo
durante le secunde guerra mundial, ille emigrava a Israel ubi durante vinti annos ille
inseniava le hebreo e le anglese. Postea ille viveva in Canada, su patria de selection,
ubi ille laborava qua traductor. Un polyglotto, ille faceva cognoscentia de Interlingua in
le etate de 70 annos e tosto comenciava traducer in illo e scriber reflexiones
philosophic. Alicun obras sue appareva in le magazines de interlingua Currero, Heraldo de
Interlingua, e Panorama.
In le ultime tempore ille laborava super le traduction del Libro del Prophetas Minor ex
le Biblia, ma le morte inexpectate le ha impedite in finir lo. Ille habeva hemoragia
cerebral e esseva cinque dies sin conscientia ante de morir, 77 annos de etate. |
|
|
