Films

Vole tu vider films in interlingua? Mesmo films con subtitulos in interlingua? Iste section presenta ligamines a films, ubi on parla interlingua:

	Hallo, hallo: nos presenta interlingua! – Personas ab tote le mundo presenta interlingua in lor linguas national - e explica, proque anque tu debe apprender lo. Vide le videos, e dice "bon die!" a omnes que tu comprende!
Presentationes de interlingua in 3 minutas – Interlingua es le lingua le plus facile in le mundo. Le vocabulario es international e comprensibile a prime vista pro centos de milliones de personas. Le grammatica es totalmente regular – nulle exceptiones. Apprende que es interlingua in iste films de 3 minutas. (Tu pote activar le subtitulos in interlingua – o un altere lingua.)
	Interlingua in TikTok – Parlar de linguas e culturas in interlingua. Proque non? Carlos Valcárcel Riveiro, un ver bomba de energia, inspira nos omnes in su curte videos. Interlingua in YouTube – Seque Carlos Valcárcel Riveiro e su inspirante presentationes in interlingua.
Mini-curso: le grammatica de interlingua in 10 minutas – Ecce le rapide supervista del grammatica del lingua le plus facile in le mundo, interlingua.
	Incontro con le poeta Marcus Scriptor – Le poeta Marcus Scriptor se presenta, parla de su experientia con interlingua e recita alicun poemas in interlingua.
Le clave perdite – Un film humoristic de un clave ... perdite. Un situation que multe viagiantes va recognoscer. Ma ubi es le clave? Seque le effortios de trovar lo in un hotel in le montes bulgare.
	Nulle calma in Kalmar – Va con le camera al traditional e successose incontros nordic de interlingua – ecce illo in le urbe historic Kalmar in Svedia. Incontra participantes de multe nationes, vide e audi super tote lo que occurre durante le incontros nordic: cursos, intertenimento, excursiones, discussiones etc. Le incontros nordic ha habite loco omne duo annos in annos par desde 1988.
Le contos del Biblia in interlingua – Ecce contos del Biblia, narrate per charmante figuras e paisages create con Lego – e in interlingua, naturalmente.
	Optimalitate de interlingua – Grzegorz Kondrak, professor de informatica in le Universitate de Alberta, Edmonton, Canada, analysa interlingua pro examinar, si il es possibile definir naturalitate e regularitate e assi trovar le optimalitate de interlingua. Un presentation ab le 25e conferentia international de interlingua in Varsovia, Polonia, in julio-augusto 2023.
Tours de Francia a VarsovIA – un viage jubilari de 25 conferentias de interlingua – Thomas Breinstrup presenta un illustrate supervista personal con anecdotas del 25 conferentias international de interlingua. Un viage jubilari durante le 25e conferentia international de interlingua in Varsovia, Polonia, in julio-augusto 2023.
	Demonstration practic – como facer tu textos in interlingua correcte – Thomas Breinstrup, redactor del Panorama in interlingua e presidente del Union Danese pro Interlingua, presenta un serie de bon consilios e utile instrumentos disponibile quando on scribe e traduce textos in interlingua. Assi tu face tu interlingua comprensibile e bon! Le presentation esseva facite durante le 26e conferentia international de interlingua in Bad Marienberg, Germania, in julio 2025.
70 annos con le Union Mundial pro Interlingua – Le 28 de julio 2025 le Union Mundial pro Interlingua (UMI) celebra 70 annos de existentia. Le organisation, create per pioneros de interlingua, ha essite importante pro le diffusion de interlingua e merita un festa. Thomas Breinstrup, redactor del Panorama in interlingua, celebra le evento per un mini-presentation del historia del UMI. Le presentation esseva facite durante le 26e conferentia international de interlingua in Bad Marienberg, Germania, in julio augusto 2025.
	Interlingua 75 annos – Le 15 de januario 2026 interlingua habeva 75 annos. Le anniversario esseva celebrate per un festa digital, arrangiate per le Union Mundial pro Interlingua (UMI) al Die de Interlingua. Thomas Breinstrup, redactor del Panorama in interlingua, presentava importante datas del historia de interlingua e narrava super pioneros e eventos importante desde le publication de "Interlingua-English Dictionary", le prime obra de interlingua, le 15 de januario 1951.