26e Conferentia International de Interlingua

26e Conferentia International de Interlingua
del Union Mundial pro Interlingua (UMI)

le 21-26 de julio 2025 | Benvenite a Bad Marienberg, Germania

↓Information e actualitates↓ • Programma • Scheda de inscription [claudite] • Novas

UMI Le Union Mundial pro Interlingua (UMI) invita al 26e Conferentia International de Interlingua le 21-26 de julio 2025, in le citate Bad Marienberg, Germania. Partes del conferentia essera hybride. Le precio de participation in forma presential es multo accessibile, e gratuite si on participa in forma digital. Veni pro apprender e practicar interlingua e experientia le possibilitates con un belle lingua international in amicitate, collaboration, recreation e amusamento!

Le conferentias international de interlingua es organisate omne duo annos e attrahe usatores de interlingua ab tote le mundo – nove interessatos, personas qui ha participate antea e le veteranos, qui ha participate a omne conferentia durante decennios. Illes veni pro esser orientate super le labores pro diffunder le cognoscentia e le uso practic de interlingua, pro excambiar ideas e esser inspirate, pro discuter como progreder – preferibilemente in collaboration international – e pro gauder del agradabile compania.

	Datas: Le conferentia comencia lunedi le 21 de julio e fini sabbato le 26 de julio 2025.
	Centro conferential: Le Centro Conferential es le Europahaus Marienberg. Adresse: Europastraße 1, D-56470 Bad Marienberg, Germania. – Plus de informationes super le viage a Bad Marienberg va esser publicate.
	Precios: Gratias al supporto de fundationes, le precios de participar ha devenite plus attractive. Le precio pro participar in le conferentia es 300 EUR, si on reage e paga rapidemente, i.e. le plus tarde le 31 de maio 2025. Le precio ab le 1 de junio es 330 EUR. Le precio de infantes usque 12 annos es le medietate del precio: 150 EUR al plus tarde le 31 de maio 2025 – o 165 EUR ab le 1 de junio 2025. Le participation digital in le sessiones hybride es gratuite, ma on debe naturalmente inscriber se. Quando on se inscribe, on recipe instruction de como pagar pro su participation. [Le inscription es claudite.]
	Programma: Le programma conferential se presenta ci. Cambios e actualisationes pote occurrer. Visita pro isto le pagina regularmente.
	Arrivata e registration: Le arrivata e registration es planate pro lunedi le 21 de julio 2025 ab 14.00 horas.