Dictionarios e Manuales

Svedese

Nordin, John: Svensk-Interlingua ordbok med kort grammatik
(Dictionario svedese-interlingua con breve grammatica)
Norstedt & Söner, Stockholm, 1965.
XIII + 130 pp., 11,5 × 17,5 cm.

Un bellemente imprimite dictionario con un nette copertura plastificate. Malgrado su modeste e per isto facilemente intascabile formato illo contine circa 14.000 parolas e locutiones svedese con lor traduction in interlingua.
Elaborate con multe sapientia, conscientiose accuratessa e dedication.

Svenska Sällskapet för Interlingua: 50 SEK.

Stenström, Ingvar: Interlingua – instrumento moderne de communication international
Parte I "Textos"
Union Mundial pro Interlingua. Nove ed. 1989, 60 pp., A5. Illustrate per Lennart Jäger.
ISBN 90-71196-15-1.

Con textos in 30 lectiones integremente in interlingua, editate in un multo belle presentation.

Le curso, con le supplemento in varie altere linguas que svedese, es disponibile de Lulu.com.

Stenström, Ingvar: Interlingua ‐ instrumento moderne de communication international
Parte II, Svensk kommentar.
Union Mundial pro Interlingua. Nove ed. 1989. 86 pp., A5. ISBN 90-71196-16-X.

Con le commentarios in svedese, editate in un multo belle presentation.

Svenska Sällskapet för Interlingua. Precio: parte I e parte II, 70 SEK (incl. porto).

Solo le parte II: Servicio de Libros UMI (non incl. porto): 5 €. Anque disponibile de Lulu.com.

Stenström, Ingvar: Interlingua – instrumento moderne de communication international
Parte III, CD

CD del textos pronunciate per Ingvar Stenström. Iste CD es de optime valor, quando on studia interlingua sin docente.

Iste registrationes es ora disponibile in linea in le sito del UMI.

Stenström, Ingvar: Interlingua-svensk ordbok: 25.000 internationella ord
Studentlitteratur, Lund, Svedia, 1995, 279 pp., A5.
ISBN 91-44-60521-8.

Belle copertura in colores. Dictionario professional precedite per Introduction, Explicationes, Pronunciation, Breve grammatica, Formation de parolas per prefixos e suffixos.

Svenska Sällskapet för Interlingua: 192 SEK.

Ordina vostre libros per reimpler e inviar electronicamente le sequente formulario. Io inviara un factura a vos via posta electronic (si disponibile) o posta regular, que specifica le costos total e explica le optiones de pagar. Quando io ha recipite vostre pagamento, io inviara le libros a vos. Gratias pro vostre interesse!