Historia de interlingua
Biographias A-Z

Julien Toublet

Francia
Nascite: (non cognite)-le 4 de april 1991

Julien Toulbet esseva un del cofundatores del Union Interlinguiste de France (UIF) - solmente un de su passiones energic.

Nam ille anque esseva active in politica, a saper como secretario del Confederation General del Travalio Syndicalista Revolutionari, membro del officio del Association International de Travaliatores e secretario del Confederation National del Travalio. Isto inspirava su filio, anque appellate Julien, qui anque es un active syndicalista.

Julien Toublet, appellate anque Jean Thersant, luctava pro le anationalismo e fundava le Federation del Anationalistas Interlinguista. Ille editava su organos "Reflexiones supra le frontieras" e "Le oca frantic" in interlingua. Julien Toublet esseva un homine, qui non hesitava dicer su opinion, e ille esseva sempre preste a un discussion politic. Isto a tempores causava problemas quanto al labor del UIF, que debe remaner apolitic justo como le Union Mundial pro Interlingua, in cuje consilio ille esseva un membro. Su origine francese non se celava. Quando ille vermente esseva inspirate, su pronunciation de interlingua deveniva tanto francese, que le ascoltatores a vices non poteva sequer le.

Omnes, qui cognosceva Julien Toublet, admirava su energia e passion pro le questiones que le occupava. Su productivitate esseva enorme, lo que motivava alteres a laborar anque.

Le 4 de april 1991 assi moriva como un del pioneros interlinguista francese in le etate de 85 annos. Ille lassava su sposa, Jeanette Berthault.
.