 |
|||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||
|
|
 Ramiro Barros de CastroBrasil Un ration obvie que interlingua ha hodie ganiate un forte position in America del Sud es Ramiro Barros de Castro, presidente del Union Brasilian pro Interlingua. Ramiro Castro es de profession jurista e es empleate in le governamento brasilian. Desde que ille in januario-februario 1990 editava le prime edition del alora bimestral Internovas – un concurrente sudamerican a Panorama – e un medie anno plus tarde fundava un ver organisation brasilian pro interlingua, interlingua ha essite activemente representate sur le continente. Ramiro Castro deveniva le prime presidente del UBI in le etate de 29 annos. Ille apprendeva de interlingua in 1988 per un ancian folietto brasilian e prendeva immediatemente contactos con altere interlinguistas. Ille rapidemente comprendeva le besonio de un organisation brasilian. Desde alora ille ha laborate activemente primo de su habitation in le capital brasilian, ora del sede official del UBI in Sobradinho, pro diffunder interlingua al continente sudamerican per cursos e visitas in le majoritate del paises, in le quales ille ha bon contactos. Ja in april 1990, Ramiro Castro comenciava le prime de un longe serie de cursos local de interlingua e discursos public super le lingua. Ille al mesme tempore organisava un equalmente longe serie de publicationes – primo parve materiales informative, plus tarde quadernos, libros, litteratura original e traducite etc. De 1992 a 1999 Ramiro Castro esseva vice-secretario del Union Mundial pro Interlingua, ma ille se retirava pro concentrar se super le (grande) labor con interlingua in America del Sud. Su successor como vice-secretario esseva un altere brasiliano, Emerson “Ensjo” Silveira da Costa. A ille tempore, Ramiro Castro esseva anque le tresorero ma esseva pois de novo eligite presidente del organisation, cuje cofundator ille esseva le 28 de julio 1990. Le data es exactemente le mesme como illo del fundation del UMI in 1955. Revidite: 2001-07-11 |
|
|
|||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||
| |
|||||||||||||||||||||||||||||||||||||||||||||||||||||||||||||||||||||||||||||||
Redaction:
Th. Breinstrup, Ingvar Stenström e Jesper Olsson |
|||||||||||||||||||||||||||||||||||||||||||||||||||||||||||||||||||||||||||||||
