Skip navigation.
Home

"Interlingua Today" pote esser comprate de novo

Le grande curso de interlingua in anglese ha essite reimprimite e pote de novo esser comprate.

UMIInterlingua Today  Le grande curso pro anglophonos, "Interlingua Today", es finalmente de novo a vender.

Le curso comprehensive con 19 lectiones, un grammatica e un vocabulario interlingua-anglese es scribite pro comenciantes per F.P. Gopsill. Ille es le presidente del Societate Britannic pro Interlingua e instructor professional. Le curso es vivente, plen de utile textos quotidian e ha exercitios inspirante.

"Interlingua Today" ha durante un periodo essite exhaurite. Le Union Mundial pro Interlingua (UMI) lo ha ora reimprimite como parte de un grande projecto que debe assecurar que le litteratura de interlingua - professional e belletristic - deveni plus facilemente accessibile e pote esser comprate in linea.

"Interlingua Today" ha como supplemento un clave, "Key", que debe esser comprate separatemente. Le curso costa 16 euros, le clave 4 euros.
Vide Litteratura in interlingua.

Initio del pagina