Skip navigation.
Home

Tres dies con cursos intensive de interlingua

Viagia a Svedia in julio 2010 pro participar in le cursos intensive de interlingua con professores distincte.

UMIHögalids Folkhögskola, Kalmar  Duo cursos intensive de interlingua habera loco in julio - un pro comenciantes, un altere pro personas qui desira obtener plus de practica in conversar in interlingua.

Tres dies del 28 al 30 de julio in Kalmar in le sud de Svedia, duo del instructores-veteranos Ingvar Stenström e Bengt Enqvist, inseniara interlingua. Le cursos precede le 12nde incontro nordic de interlingua le 30 de julio al 1 de augusto, ubi on pote practicar su interlingua e participar in le labor pro diffunder le lingua plus.

Le cursos e le incontro habera loco a Högalids Folkhögskola in Kalmar, un urbe historic al costa sudest de Svedia in un region con natura bellissime. Le schola es in stilo typicamente svedese e contine facilitates moderne.

Högalids Folkhögskola, KalmarOn debe inscriber se si tosto como possibile pro esser secur de obtener le typo de camera que on desira (singule/duple). Isto occurre per le scheda de inscription (in formato PDF).

Ultime data de inscription: le 30 de maio 2010 - ma face lo tosto pro reservar tu typo favorite de camera. Usa le le scheda de inscription.

Le precio de participation in le curso - inclusive omne repastos - es 110 euros in camera singule e 100 euros in camera duple.

Le arrangiator principal, le Societate Svedese pro Interlingua spera poter dicer benvenite a un grande gruppo international.

Lege plus:
12nde incontro nordic de interlingua in urbe historic

Photos: (In supra:) Högalids Folkhögskola, vidite del aere, es situate in le belle natura del region Småland, ubi le famose scriptor Astrid Lindgren viveva. (In basso:) Le schola es in stilo typicamente svedese con ligno in le color rubie que es special pro Svedia. Photos es ponite a disposition per Högalids Folkhögskola

Initio del pagina