Pagina principal del Bibliographia
Berger, Ric: Vocabulario interlingua, secundo le centros de interesse Editiones Interlingua, Suissa, 54 pp., A4.
41 aggruppamentos de parolas circum themas como: Astronomia, justitia, musica, etc.
Servicio de Libros UMI: 7 €.
Boas, Carlos Henrique: Interlingua pro omnes União Brasileira pró Interlíngua, 1998, 54 pp., A5.
Iste interessante manual contine lectiones in le stilo conventional, usante diverse illustrationes. Multo apte pro apprender interlingua directemente. Ultra textos, illo presenta dialogos practic e exercitios. On non solmente studia, ma anque se intertene!
União Brasileira pró Interlíngua: R$ 5.
Brauers, Karl: Grammatica synoptic de interlingua Editiones Interlingua, Suissa, 1976, 60 pp., A4.
Iste excellente grammatica explica multo clarmente le principal regulas grammatical de interlingua.
Servicio de Libros UMI: 8 €.
Breinstrup, Thomas: Dictionario de abbreviationes Servicio de Libros UMI. 2-de edition totalmente revidite 1994, 56 pp. A5.
Abbreviationes deveni de plus in plus moderne. Nomines de organisationes, paises, parolas multo usate e expressiones es abbreviate pro facer le labor plus facile. Ma sovente iste abbreviationes deveni mer mysterios pro le lector. Le dictionario contine plus que 3.000 abbreviationes international le plus commun e ordinari, indicante lor orthographia national e explicante lor significationes in un linguage normal. Anque abbreviationes purmente national es includite pro plenar lacunas importante.
Servicio de Libros UMI: 5 €.
Breve grammatica e vocabulario de interlingua Union Mundial pro Interlingua, 1988, 8 pp., A5.
Contine le principal regulas grammatic e le traduction de circa 500 parolas minus comprensibile a prime vista in anglese, espaniol, germano e italiano. Le vocabulario es seligite con multe cura, de maniera que quando on lo include presso correspondentia, on non besonia usar un altere lingua que interlingua.
Servicio de Libros UMI: 2 €.
Cleij, Piet: Lista supplementari de vocabulos international 4-te edition, 164 pp. A5, 2006. Copertura colorate e plastificate. Dorso anellate.
Lista de 25.329 parolas international non trovabile in le "Interlingua-English Dictionary". Cata parola es listate como substantivo, verbo, adjectivo etc. e in plure casos es marcate per dominios special (botanica, physica, chacos, linguistica etc.). Le Lista es un tresor pro cata usator diligente de interlingua - e pro pro lexicographos, naturalmente.
Servicio de Libros UMI: 14 € + porto postal.
Gode, Alexander: Interlingua a prime vista Fr. Ungar Publishing Co., New York, 1971. 81 pp., 22 × 15 cm, cartonate.
Manual attractive scribite integremente in interlingua. Innumerabile illustrationes explica le textos. Includite es un formulario del problemas de parolas cruciate, que se trova al fin de iste libro. Si on correctemente solve iste problema, plena e retorna le formulario, le Servicio de Libros UMI invia un certificato e un surprisa!
Stenström, Ingvar: Interlingua — instrumento moderne de communication international Parte I "Textos" Reimpression per Servicio de Libros UMI. 1987, 54 pp., ill. 20 × 14 cm.
Iste edition es le prime parte "Textos", que contine 30 lectiones in interlingua e dunque pote esser usate in omne paises. Le secunde parte "Commentario", con explicationes del grammatica e structura de interlingua, es editate separatemente in varie linguas national. Le manual de Ingvar Stenström ha devenite un classico, utilisate jam in multe paises.
Servicio de Libros UMI: 6 €.
Stenström, Ingvar: Interlingua — instrumento moderne de communication international CD con parte III "Textos"
CD con le 30 lectiones registrate per le autor. Iste compact disk es de optime valor, quando on studia interlingua sin docente.
Wilgenhof, K.: Grammatica de Interlingua 2e ed. 1995, 60 pp., A5. ISBN 90-71196-39-9.
Iste nove edition non es solmente un reproduction del vetere contento in un plus moderne imprimitura, ma illo anque contine plure correctiones e ameliorationes.
Wilgenhof, K.: Dictionario de nomines geographic in Interlingua 3e ed. 1995, 30 pp., A5. ISBN 90-71196-13-5.
Cambiamentos politic occurre e isto instigava a un reedition de iste dictionario. Alcun additiones esseva facite e le lista de republicas sovietic non esseva plus valide. Le ordine alphabetic se ameliorava.
K. Wilgenhof, Beeckzanglaan 84, 1942 LT Beverwijk, Nederland: 5 €. Servicio de Libros UMI: 5 €.
Wilgenhof, K.: Qualque observationes lexical pro usatores de Interlingua in particular del "Interlingua-English Dictionary" de IALA 1997, 20 pp., formato B5.
Un collection de explanationes interessante super varie subjectos lexical, inter le quales emendationes, correctiones e additiones, de plure parolas in le "Interlingua-English Dictionary", e un presentation original de numerales basate super le formas existente in le linguas fonte de Interlingua. Karel Wilgenhof presenta su studios, consilios e avisos linguistic pro le bon de futur lexicographos — e omne interessatos de interlingua. Un major parte del contento consiste de reprisas, alique modificate, ab le "Notas Mixte" que le autor distribueva in le curso del recente annos inter un gruppo de interessatos.
K. Wilgenhof, Beeckzanglaan 84, 1942 LT Beverwijk, Nederland: 5 €.
Selahattin Kayalar: Grammatica de interlingua Anno de publication: 2005 Editor: Union Mundial pro Interlingua 156 pp., A5. ISBN 90-78279-01-X.
Le obra es le traduction in interlingua de "Interlingua, a grammar of the international language" (secunde edition de 1971) per Alexander Gode e Hugh E. Blair.
Servicio de Libros UMI: 15 € (porto postal inclusive).
INFORMATION PRO LE COMMANDA
Ordina vostre libros per reimpler e inviar electronicamente le sequente formulario. Io inviara un factura a vos via posta electronic (si disponibile) o posta regular, que specifica le costos total e explica le optiones de pagar. Quando io ha recipite vostre pagamento, io inviara le libros a vos. Gratias pro vostre interesse! — Martijn
FORMULARIO DE COMMANDA