Questionnaire, 1946

Le "Questionnaire" (Questionario) de 1946 esseva preparate pro IALA per André Martinet e Jean Paul Vinay. Le 98 paginas in versiones parallel anglese e francese comprehende questiones al modello naturalista (modernisation possibile de formas lexical e le grammatica) e questiones al modellos schematic (orthographia, pronunciation, affixos, numerales, grammatica e syntaxe). Le quaderno opera con le modelle schematic E, le modello schematic K e le (in anglese) "IAL - International Auxiliary Language" - in francese "LAI - Langue auxiliaire internationale".

Secundo le introduction, le questionario ha essite inviate "a vos como un de un lista seligite de linguistas e interlinguistas a fin que nos pote haber beneficio de vostre avisos in le stadio presente de nostre labor." Le duo modellos schematic "debe esser considerate como variantes possibile del interlingua fundamental". (Le texto anglese parla de the fundamental interlingua, le texto parallel in francese de l'interlangue de base - dunque le lingua non ancora ha essite baptisate interlingua.)

Questionnaire, IALA, 1946

Revidite: 2006-12-29