20e Conferentia International de Interlingua
del Union Mundial pro Interlingua (UMI)
“Interlingua in le futuro”

le 27 de julio ~ 3 de augusto 2013  |  Benvenite a Germania!

InformationInvitationInscription↓Propositiones↓


APPELLO A SUBMITTER PROPOSITIONES / CALL FOR PROPOSALS
20me Conferentia International de Interlingua: "Interlingua in le futuro"
27 julio - 3 augusto 2013
Caritas Tagungszentrum, Freiburg im Breisgau, Germania

A partir de hodie, nos accepta propositiones pro discursos formal e seminarios interactive pro le 20me Conferentia International de Interlingua.

Per favor submitte vostre proposition ante le 30 de april 2013.

(Saltar directemente al formulario pro submitter un proposition)

Thema

Le thema del conferentia es "Interlingua in le futuro". Le conferentia cerca disveloppar un vision pro le position futur de interlingua in le societate mundial. Nos desira discuter e explorar le nove possibilitates pro diffunder interlingua e le uso active de interlingua in tote le mundo. Le sessiones, le labores e le presentationes debe dar inspiration pro concretisar iste nove possibilitates.

Le propositiones associate o connexe al thema habera le preferentia, ma le conformitate al thema non es obligatori.

Lingua

Le lingua del conferentia es Interlingua de IALA. Nonobstante, nos accepta propositiones in altere linguas con particular relevantia al thema, al communitate interlinguista o al communication international in general. Presentationes que non es in interlingua debe esser traducite in interlingua per personas competente durante le presentation. Un traduction in interlingua de vostre materiales accompaniante debe esser arrangiate con nos in avantia.

Typos de session

Nos desira explorar un large varietate de punctos de vista sur "Interlingua in le futuro", theoretic e practic. Multe diverse typos de session es benvenite: discursos traditional, expression creative, activitate physic, gruppos de labor interactive, e plus.

Ben que multe participantes parla "nostre belle lingua" fluentemente, alteres non ha un maestria complete de interlingua, o mesmo es totalmente nove al lingua, con solmente un comprehension passive. Nos desira provider un bon experientia a tote le participantes, incluse illes minus verbal in interlingua.

Pro iste ration, nos cerca non solmente discursos academic, ma anque sessiones interactive que non se concentra principalmente sur le parola, per exemplo: dansa, amusamento, musica, arte, construction de qualque typo. Un tal session da le opportunitate al participantes de apprender e exercer interlingua per activitate.

Qualcunque sia le formato, pro esser includite in le programma formal, vostre session debe esser informative, structurate, relevante, e communicar un certe expertise del presentator.

Como submitter vostre proposition

Per favor usa le formulario sequente. Data limite: le 30 de april 2013.

(rola le quadro pro vider le resto del formulario)

Tote propositiones a discursos formal e seminarios interactive va esser considerate per le Consilio Executive que decide quales es includite in le programma. Omnes qui ha inviate un proposition recipera duo septimanas post le data limite le notification del decision.

Gratias pro vostre interesse!