Interlingua es representate con organisationes national e membros in cinque continentes.

  Un longe serie de organisationes national e international representa interlingua in tote le mundo. Nove interessatos assi obtene contacto plus rapide e plus proxime, e le labor informative pote esser adaptate al conditiones local.

Le Union Mundial pro Interlingua (UMI) ha organisationes, representantes e membros national in cinque continentes. Le organisationes e representantes national collabora inter se e coordina le effortios pro diffunder le uso e cognoscentia de interlingua.

Le motto de interlingua es communication sin frontieras.

Direction del Union Mundial pro Interlingua

Le UMI es un organisation international, sin scopos lucrative, pro promover e diffunder le international lingua auxiliar interlingua, publicate in 1951 per le “International Auxiliary Language Association” (IALA). Le Consilio General determina le politica general del UMI. Le Consilio Executive face le labores quotidian del UMI.

Le UMI esseva fundate le 28 de julio 1955 in Tours, Francia, e esseva registrate como association no. W911001865 al subprefectura de Étampes, Francia, le 3 de augusto 2006.

Statutos

Statutos del Union Mundial pro Interlingua (UMI)
Statutos del Section International: Le Section International es pro omnes qui habita in paises, in le quales il non ancora ha un organisation national de interlingua.

Vendita international de libros per Internet

Le Union Mundial pro Interlingua publica e vende libros in interlingua - litteratura belletristic e professional, obras traducite e original. Le libros pote esser ordinate e pagate directemente in linea per Internet. Visita le adresse in basso. Le catalogo de libros continua crescer. Le organisationes national de interlingua vende typicamente un selection minor de titulos.

Litteratura in interlingua:
www.interlingua.com/litteratura

Conto del Union Mundial pro Interlingua

Le conto bancari del UMI es con La Banque Postale in Francia. Ecce le informationes necessari pro poter pagar al UMI pro i.a. abonamentos de Panorama in interlingua o altere servicios:

● Numero IBAN: FR40 2004 1010 1113 8119 5H03 275.
● Numero BIC (identification international del banco): PSSTFRPPNTE.

Visita le mappa de www.interlingua.com pro plus de informationes.