Le sito del Union Mundial pro Interlingua ha essite redesignate.

UMI  Benvenite al nove designo del sito principal in interlingua, www.interlingua.com del Union Mundial pro Interlingua (UMI).

Le nove designo substitue le lay-out, que esseva introducite in 2006. Le intention es facer www.interlingua.com plus facile a usar e facer le contento plus facile a trovar via le navigation clar. Le sito debe esser plus attractive, plus informative, plus practic a usar in schermos de omne grandores e assi plus rapide a trovar via le motores a cercar de Internet.

Le contento es al première le mesme, ma il es le spero que le multe offertas de www.interlingua.com in multe linguas se presenta plus clarmente. Assi le multe materiales, textos, audio, video etc. sperabilemente essera multo plus usate in le futuro, adjutante le usatores de interlingua e supportante le diffusion del cognoscentia a interlingua e le usage active del lingua.

Interlingua.com veniva in linea in 1997. Le designo ha developpate, le contento ha devenite plus ric e comprehensive, e functiones ha essite addite tote le tempore.

Un redesigno – e le cambio del technologia detra le faciada – non pote esser executate perfectemente. Il ha certo errores. Si tu incontra problemas o trova errores, per favor, contacta le aranea de interlingua.com e describe le error si detaliate como possibile, assi que nos rapidemente pote corriger lo.

Bon aventuras in le nove www.interlingua.com!