UMIProtection de datos  RGPD – le regulamento general de protection de datos – es un nove lege in le Union Europee. Le lege vale desde le 25 de maio 2018 in tote le UE. Le requirimentos pro le companias, organisationes e autoritates que tracta tu datos personal es nunc plus stringente.

Le datos personal que nos tracta in le Union Mundial pro Interlingua (UMI) e le organisationes national pro interlingua es nomines, adresses, numeros de telephono e adresses e-posta del membros e interessatos.

Iste datos es guardate solmente pro poter inviar jornales e informationes super interlingua e activitates del UMI e de organisationes national. Nos non vende o comparti tu datos, ma le nomines e adresses postal pote esser inviate a un imprimeria pro imprimer le inveloppes usate in nostre distribution de jornales e informationes.

Si tu vole saper plus qual de tu datos nos ha, cambiar o eradicar tu datos, contacta nos, per favor, al adresse electronic del UMI (administration@interlingua.com) o dirige te a tu organisation national de interlingua.

Le administration del Union Mundial pro Interlingua