Le Union Mundial pro Interlingua extende su servicio de information in linguas national.

  Le presentation de interlingua ora anque existe in tcheco, parlate per 12 milliones de personas.

Le traduction, facite per Vera Barandovská-Frank, assecura que personas, qui cognosce tcheco, pote esser informate super interlingua e su multe possibilitates de usage in lor proprie lingua. Le informationes in linguas national existe ora in 28 linguas, e plus de linguas sequera como parte del desiro del Union Mundial pro Interlingua (UMI) de fortificar le sectiones in le linguas national de www.interlingua.com. Le sito es le porta principal al mundo pro informationes super interlingua, e un collection de cursos, dictionarios e materiales didactic es sub construction. In ultra, on pote comprar libros per le Servicio de Libros UMI.

Como parte del information fortificate, le informationes de contacto del representantes e organisationes national de interlingua essera addite al sito, assi que on facilemente los trova.

Lege plus per cliccar in alto al puncto Info national.