Le bandiera de interlingua
Specification technic del bandiera de interlingua.
Pro fortificar le identitate visual le Union Mundial pro Interlingua (UMI) ha le 15 de januario 2026 – exactemente 75 annos post le publication del primissime obra in interlingua, "Interlingua-English Dictionary" – introducite un bandiera de interlingua.
Le lingua le plus facile e le plus astute in le mundo assi ha symbolo que lo identifica plus facilemente pro communication sin frontieras.
Le bandiera de interlingua es un rectangulo in proportion 2:3 con le latere plus longe horizontal. Le bandiera ha duo colores: le azuro (blau) e le auro (jalne). Le colores es specificate con iste valores:
- azuro: Pantone Reflex Blue, RGB #003399, CMYK 100.80.0.0
- auro: Pantone Yellow, RGB #FFCC00, CMYK 0.21.100.0
Le bandiera consiste de un fundo de color azur con un polygono de octo lateres in solide color de auro centrate in le forma de un stella de quatro punctas. Si on considera le bandiera con le latere horizontal de longor 18 e le latere vertical de longor 12, le polygono es generate con iste coordinatas:
[ ⟨0,6⟩ ⟨8,7⟩ ⟨9,12⟩ ⟨10,7⟩ ⟨18,6⟩ ⟨10,5⟩ ⟨9,0⟩ ⟨8,5⟩ ⟨0,6⟩ ].
Lege plus:
- Presentation del bandiera official de interlingua
- Interlingua celebra 75 annos le 15 de januario 2026
Visita le section Historia de interlingua e studia le grande material con factos, portraits, biographias, curiositates etc.