Pro fortificar le identitate visual interlingua ha ora un bandiera official.

UMIBandiera de interlingua  Exactemente 75 annos post su apparition, interlingua ha ora un bandiera official pro dar un identitate visual al lingua in le communication sin frontieras.

Le Union Mundial pro Interlingua (UMI) annunciava le bandiera official de interlingua durante le festivitates in occasion del 75e anniversario de interlingua le 15 de januario 2026.

Le bandiera es un stella jalne a quatro punctas sur un fundo blau.

Le nove bandiera official de interlingua resimila un concepto que esseva ja in uso popular, ma con colores que representa le pace e le prosperitate. Le stella a quatro punctas representa le diffusion de interlingua in tote le quatro directiones del vento.

"Il prendeva 75 annos, ma illo es le bandiera que nos representa, e que nos ora usa," diceva Julian Mendez, le secretario general del UMI, durante le presentation in un celebration digital con participation ab tote le mundo.

Interlingua non ha jammais habite un bandiera o un symbolo official. Durante le decennios passate il ha plure vices essite discutite haber un bandiera official de interlingua como un symbolo visual del lingua, assi que illo es plus facile a identificar interlingua.

Le UMI appella a tote le usatores de interlingua de usar le bandiera official como representation visual de interlingua, de sorta que interlingua gania un identitate visual consistente.

Lege plus: Interlingua celebra 75 annos le 15 de januario 2026

Visita le section Historia de interlingua e studia le grande material con factos, portraits, biographias, curiositates etc.