Abonatos, qui paga pro un abonamento digital de Panorama in interlingua, debe reciper un notification via e-posta. Si isto non functiona pro te, ecce le solution.

UMIPanorama in interlingua  Le abonatos, qui recipe Panorama in forma digital (e non le version imprimite del magazin), es notificate per un message, quando un nove edition de Panorama es preste a discargar.

Le notification arriva como un e-posta al adresse que le abonato ha indicate al administration del Union Mundial pro Interlingua.

Il ha exemplos de abonatos, qui ha experientiate que le notification non arriva un o plure vices. Per favor, notifica le administration del UMI, si tu ha un tal problema.

Independente del notification, tu ha totevia accesso a leger le nove edition de Panorama. Consulta le ultime notification que tu recipeva. Illo contine le ligamine al archivo + tu contrasigno personal que es besoniate pro acceder le editiones de Panorama de tu abonamento.

Le illustration monstra le copertura de Panorama in interlingua, novembre-decembre 2025. Vide le indice del contento de iste edition e le alteres de 2025 ci.