Cinque del presentationes in interlingua durante le 26e conferentia international in Germania in julio esseva registrate.

UMI26e conferentia international de interlingua  Un serie de presentationes in interlingua esseva parte del programma variate del 26e conferentia international de interlingua in Bad Marienberg in Germania le 21-26 de julio 2025.

Cinque del presentationes esseva registrate e ha ora essite publicate per le Union Mundial pro Interlingua.

Le arrangiator in chef del conferentia, Sven Frank de Germania, presentava "Interlingua o anglese – le avantages de interlingua pro le Union Europee", un analyse critic super le futuro linguistic de Europa, proque anglese non es un solution, e le avantages de un lingua official neutral, i.e. interlingua. Ille anque parlava super "Le utilitate de interlingua in le spheras de schola e business" – como interlingua es un lingua international pro le mundo moderne, e como le utilitate de interlingua es remarcabile in scholas e pro commercio.

"Como facer tu textos in interlingua correcte" esseva un demonstration practic per Thomas Breinstrup, redactor del Panorama in interlingua e presidente del Union Danese pro Interlingua. Ille presentava un serie de bon consilios e utile instrumentos disponibile, quando on scribe e traduce textos in interlingua.

In julio 2025, le Union Mundial pro Interlingua (UMI) celebrava 70 annos de existentia. Le UMI esseva create per pioneros de interlingua e ha essite importante pro le diffusion de interlingua. Thomas Breinstrup celebrava le evento per le mini-presentation "70 annos con le UMI" super le historia del organisation.

Greg Kondrak, qui es professor del Universitate de Alberta in Canada, presentava su analyse theoretic de como on pote generar un interlingua – le concepto de usar regular pro attinger un interlingua. Su analyse, "Interlingua (IALA) es le melior interlingua", monstra proque interlingua es vermente le optime resultato obtenibile.

Vide le presentationes: