Multe nove materiales gratuite es continuemente addite a www.interlingua.com. Ecce un rapide supervista del publicationes recente que tu pote trovar e usar.

UMI  Continuemente se augmenta le numero de materiales gratuite in www.interlingua.com, preste a usar pro apprender interlingua o simplemente maestrar lo melio – ma nos non sempre memora scriber novas separate, quando nove materiales es addite.

Ecce un rapide supervista de nove materiales recente, que tu pote facilemente discargar e studiar – ma visita le Bibliotheca electronic in interlingua pro vider le grande collection complete:

Como inseniar Interlingua?"Como inseniar interlingua?" es un guida pro non-expertos, scribite per Ingvar Stenström, un veterano de interlingua, qui se occupava con interlingua desde le apparition in 1951. Ille ha inseniate interlingua a milles de alumnos in le gymnasios svedese e presenta ci su consilios e avisos practic – facile a sequer, assi que le curso de interlingua deveni un successo. Discarga lo ci.
Nos presenta interlingua"Nos presenta interlingua" es un guida plus extense, scribite per Ferenc Jeszenszky, doctor de physica e linguista e le representante de interlingua in Hungaria ab 1981 usque su morte. In tres capitulos ille presenta tote le fundamento de interlingua ab le latino classic a hodie in un maniera persuasive e informative – e con un surprisa in le fin. Discarga lo ci.
Mini-guida: Zoom pro sessiones in interlingua"Mini-guida: Zoom pro sessiones in interlingua" explica como usar Zoom, le programma de conversation via video con chat e le possibilitate de usar differente cameras digital, assi que un plus parve gruppo pote ir a un altere camera. Le mini-guida illustrate de tres folios A4 explica como usar Zoom via tu computator. Discarga lo ci.
Lista alphabetic de nomines geographic in interlingua"Lista alphabetic de nomines geographic in interlingua" es le quarte edition del lista multo utile, colligite per Karel Wilgenhof, le autor del famose "Grammatica de interlingua". Le lista presenta circa 1.200 entratas. Al fin il ha un appendice con un sexantena de nomines de urbes. Discarga lo ci.
Manifesto Humanista 2000"Manifesto Humanista 2000" es un plano pro pace, dignitate e libertate in le familia global human, traducite in interlingua per Piet Cleij, le diligente secretario general del Union Mundial pro Interlingua durante multe annos. Le manifesto humanista es, secundo le libro, lo que le mundo besonia nunc. Discarga lo ci.
Baha'i – religion universal pro le humano moderne"Baha'i – religion universal pro le humano moderne" es un presentation del religion basate sur un essayo per Arthur Dahl e traducite in interlingua per le Societate Svedese pro Interlingua. Le fide Baha'i desira le introduction de un lingua international. Discarga lo ci.

Visita le Bibliotheca electronic in interlingua e e studia le grande collection de titulos in e super interlingua in Litteratura in interlingua.