Le 2.700 parolas le plus frequente in interlingua con indication del accento es colligite in le nove dictionario gratuite, preste a discargar.

UMIDictionario basic interlingua-russo  Un nove dictionario basic interlingua-russo con le 2.700 parolas le plus frequente ha essite publicate e es a disposition libere.

Alexander Becker ha compilate e redigite le "Dictionario basic interlingua-russo". Su fundamento es "Interlingua – dictionario basic" con le 2.500 parolas le plus frequente e le plus usate in interlingua. Le dictionario debe expander le uso de interlingua inter russophonos e excitar le interesse pro le lingua.

Le accentuation de omne parolas in le "Dictionario basic interlingua-russo" ha essite indicate, assi que on facilemente sape como pronunciar le parola.

Le dictionario es de 28 paginas in le formato PDF e pote esser discargate gratuitemente ab le section "Dictionarios, grammaticas e cursos", que contine materiales – dictionarios, vocabularios, grammaticas e cursos – de interlingua in multe linguas.

Visita Dictionarios, grammaticas e cursos.