Le Union Mundial pro Interlingua invita interessatos de interlingua a un nove incontro digital con agradabile conversation in interlingua le 7 de maio.

UMIVenerdi con interlingua  Le Union Mundial pro Interlingua invita de novo usatores active de interlingua al incontro digital via Zoom, "Venerdi con interlingua", con agradabile conversation in interlingua.

"Venerdi con interlingua" es le prime venerdi del mense, assi venerdi le 7 de maio 2021 a 18.00 horas UTC (20.00 horas CEST) via Zoom. Le duration approximate es un hora.

Le incontro es un excellente possibilitate de assemblar interessatos active de interlingua, qui desira supportar le promotion e diffusion de interlingua. Un prime e importante passo es cognoscer le unes le alteres. Alora veni automaticamente le inspiration e le excambio de ideas.

Durante le prime incontro digital al Die de Interlingua le 15 de januario, quando interlingua habeva 70 annos, plure participantes exhortava le UMI a continuar le incontro successose con un agradabile atmosphera amical. Isto ha devenite ora un evento mensual con "Venerdi con interlingua".

Pro participar in le incontro e reciper le instruction de como connecter se al evento, que naturalmente es in interlingua, on debe registrar se presso le secretario general del UMI, Julian Mendez.

Ille anque va gerer le incontro pro un conversation agradabile e inspirante in interlingua.

Le UMI spera que multes va utilisar le chance pro supportar le communitate vivente e active de interlingua e participar in le conversation in interlingua.

Le veniente incontros digital le prime venerdi del mense essera annunciate via www.interlingua.com.