Un nove section con materiales didactic de interlingua in polonese ha essite publicate in www.interlingua.com.

UMIInterlingua pro poloneses  Il es ora multo plus facile pro omnes, qui parla polonese, de apprender interlingua, gratias a un nove section con materiales didactic de interlingua in polonese.

Gratias al collaboration inter le informator de interlingua in Polonia, Paweł Wimmer, e le Union Mundial pro Interlingua interessatos pote discargar gratuite numerose materiales – cursos, grammaticas e dictionarios – pro apprender ben interlingua.

Visita le section polonese de Dictionarios, grammaticas e cursos.

Alcun materiales ha existite durante plure annos, alteres es totalmente nove como "Interlingua: Gramatyka w pigułce", un rapide supervista del grammatica de interlingua. Le majoritate del materiales pote esser discargate in le formato PDF, alteres es materiales que pote esser studiate in linea.

Studia anque le mini-presentation de interlingua in polonese, e reguarda le videos con mini-presentationes de interlingua in polonese.