Le servicio financiari digital Paypal de novo functiona, assi que on pote pagar su abonamento a Panorama e comprar libros.

UMI Il es de novo possibile pagar su abonamento a Panorama – e altere pagamentos al Union Mundial pro Interlingua como comprar litteratura in interlingua – via le servicio financiari digital Paypal.

Desde le initio de 2020 isto ha essite impossibile a causa de problemas technic in le collaboration con Paypal – problemas que se monstrava plus bureaucratic a solver que expectate. Intertanto le sol maniera de pagar ha essite via le conto bancari del UMI que – in certe partes del mundo – es costose, proque le bancas demanda quotisationes pro transferer le moneta.

Le Union Mundial pro Interlingua regretta le problemas que isto ha causate a omnes, qui sole usar Paypal pro pagamentos international, ma gaude del facto que isto functiona ora de novo. Le adresse de Paypal del UMI a usar es paypal@interlingua.com.

Naturalmente on pote anque pagar via le conto bancari normal:
• Numero IBAN: FR40 2004 1010 1113 8119 5H03 275
• Numero BIC (identification international del banco): PSSTFRPPNTE
• Adresse del receptor: Union Mundial pro Interlingua, La Banque Postale, Centre Financier, F-44900 Nantes Cedex 9, Francia

Ligamines directe:
• Paga tu abonamento a Panorama in interlingua (version imprimite o version digital)
• Compra litteratura in interlingua