Duo dictionarios russe es publicate al Die de Interlingua
Un grande dictionario russo-interlingua/interlingua-russo e un gratuite mini-dictionario es preste a usar.
Duo nove dictionarios russe – un major e un minor – debe devenir bon assistentes a omne russophonos, qui desira occupar se con e usar interlingua activemente.
"Dictionario de interlingua: Russo-Interlingua Interlingua-Russo" e "Mini-dictionario interlingua-russo russo-interlingua" appare al Die de Interlingua, le 15 de januario, e assi pote contribuer a crear interesse pro studiar e usar interlingua.
Le autor del duo dictionarios es Victor Tchernavski, le representante de interlingua in Russia. Le "Dictionario de interlingua: Russo-Interlingua Interlingua-Russo" es de 364 paginas A5 e costa 20 euros. Illo contine 9.100 respectivemente circa 6.800 parolas e multe expressiones. Assi on pote leger e scriber in interlingua sin problemas.
Le "Mini-dictionario interlingua-russo russo-interlingua" contine circa 1.000 del parolas le plus frequente in interlingua. Illo ha 28 paginas A5 e pote esser discargate gratuitemente como un file PDF. Assi on pote usar lo sur le schermo o mesme imprimer lo e apportar lo.
Compra le "Dictionario de interlingua: Russo-Interlingua Interlingua-Russo"
Discarga gratuitemente le "Mini-dictionario interlingua-russo russo-interlingua"
Lege plus super le Die de Interlingua