Carla e Giorgio ab Parlator.org visita Radio Interlingua e supporta le hospite genuin human.

UMIRadio Interlingua  Radio Interlingua ha plus de hospites que normalmente - e non omnes es de carne e sanguine.

In le 65te emission, Radio Interlingua presenta como sempre novas de interlingua in interlingua, ma iste vice le co-hospites es Carla e Giorgio ab le nove servicio gratuite in Internet, Parlator.org, qui pote pronunciar textos in interlingua quando on los insere in scripto. Le emission de 17 minutas demonstra, como isto functiona, quando Carla e Giorgio insimul con Thomas Breinstrup guida le ascoltatores per le multe novas.

Radio Interlingua presenta iste vice anque cantos original in interlingua, a saper duo cantos registrate durante le 15te incontro nordic de interlingua in Danmark in 2016. Il non es excludite que illos pote devenir hits - ma ascolta mesme.

Radio Interlingua es popular inter su ascoltatores. On pote audir omne le 65 emissiones directemente in www.interlingua.com/radio, o on pote discargar omne 65 emissiones - o solmente alcunos secundo su preferentia, naturalmente - in le formato MP3, assi que on pote ascoltar los, quando on ha tempore, in su telephono mobile, su computator o su sonator MP3.

Radio Interlingua es un ricchessa de audio in interlingua con multe voces, multe bon historias e multe interlingua. Il habera un nove emission circa cata mense. Radio Interlingua es radio totalmente in interlingua.