Le tertie libro de Moses republicate
Le tertie libro de Moses, Levitico, es ora disponibile de novo.
Le 22 de martio esseva publicate "Levitico", le si-appellate tertie libro de Moses, in le traduction in interlingua per Simon W. Buckhalter (1904-1985). Ille esseva irlandese e professor e traduceva in toto 11 partes del Biblia in interlingua ab le hebreo, e su editiones es fornite con notas textual, assi que on pote melio comprender le texto.
"Levitico" tracta del regulas e rituales del levitas (le prestres), qui descendeva de Levi, filio de Jacobo. Illo es anque appellate le libro del servicio divin.
Le Union Mundial pro Interlingua es in le processo de assecurar que un serie de libros, que ja o quasi es exhaurite, es de novo disponibile e pote esser comprate. "Levitico" es le tertie de iste titulos. Le prime esseva "Genesis" (alias le prime libro de Moses), le secunde esseva "Exodo". Le sequente editiones essera le quarte e quinte libros de Moses, "Numeros" e "Deuteronomio", e pois le reeditiones de altere titulos continua secundo un lista planificate.
On pote vider tote le libros e litteratura e comprar e pagar los directemente in Litteratura in interlingua. Memora que tu supporta interlingua e le labor pro diffunder le uso del lingua per comprar libros in interlingua, e al mesme tempore tu maestria del lingua deveni sempre plus bon. Le precios del libros es sempre modeste. On pote sparniar multe moneta per comprar plure libros e solmente pagar le porto postal un vice.