Ancora novem personas presenta interlingua in lor linguas in breve films.

UMI  In novem breve films usatores de interlingua ab tote le mundo explica in un-duo minutas - e in lor lingua materne - proque illes cata uno usa interlingua e lo trova multo utile.

Le breve presentationes de interlingua esseva registrate durante le 20me conferentia international e 14te incontro nordic de interlingua in Svedia in julio. In japonese, hebreo, finnese, nederlandese, polonese, svedese e interlingua (!) le novem personas explica proque interlingua es interessante, e quales es le avantages de interlingua.

Le nove films es addite al serie de films in interlingua con breve presentationes que on trova in www.interlingua.com/infonational-film, que ja ha 26 films in anglese, bulgaro, catalano, danese, espaniol, francese, germano, hungaro, interlingua, nederlandese, polonese, portugese, russo e svedese.

Assi il ha ora 35 films in 17 linguas, e plus de linguas - e plus de personas - pote esser expectate in le futuro.

Clicca sur le puncto Films in le menu a sinistre e vide le multe presentationes - e altere films in interlingua, un section que sempre cresce.

    
Photos ab tres del nove films, ci in japonese, svedese e finnese. Vide los omnes in www.interlingua.com/films