Cartas nordic

Nove serie de cartas postal in interlingua con questiones pro cursos de interlingua es preste.

UMI  Omne usatores de interlingua es invitate a prender un visita in le cinque paises nordic con le serie "Cartas nordic". Cinque nove cartas de Göteborg, Värö, Kåseberga e Malmö ha justo apparite.

Le "Cartas nordic" es un serie de materiales illustrate e informative que on pote usar in le inseniamento de interlingua - como autostudio, pro cursos etc. Il ha ora 28 cartas con motivos de varie partes del paises nordic - Danmark, Norvegia, Svedia, Finlandia e Islanda.

Cata carta ha un illustration de un loco o location interessante e un breve texto informative e narrative in interlingua. Le photos e informationes pote esser usate in cursos, o si on mesme vole studiar interlingua sin professor. Pro cata carta il ha cinque questiones super le texto.

Un instruction con ideas de como usar le cartas pote esser discargate.

Omne cartas se trova in le section Inseniamento (sub "Libros e litteratura"). Illos es in le formato PDF que on pote facilemente imprimer.

Le serie comenciava in januario-martio 2009 in le magazin nordic de interlingua, Actualitates - Interlingua i Norden (ISSN 1395-2455), publicate per le quatro organisationes nordic de interlingua. In cata edition de Actualitates es presentate duo nove cartas.

Le section Inseniamento contine un crescente numero de materiales gratuite pro cursos de interlingua. Il ha i.a. le serie "Viagia con interlingua" con conversationes quotidian in interlingua con utile phrases e parolas e con belle photos inspirante. Il ha anque le "Schola de interlingua" con historias super le stupide molbos, le population del region danese Mols qui es considerate non troppo intelligente; pro cata historia il ha explicationes in interlingua del parolas e questiones, e on pote anque audir plures del contos.

Discarga le Cartas nordic:
Multe materiales pro le inseniamento de interlingua