Invitation a un visita in le paises nordic per cartas postal in interlingua - con questiones - pro le studio de interlingua.

UMICartas nordic  Un nove serie de Cartas nordic ha essite publicate in www.interlingua.com pro usar in le inseniamento de interlingua, cursos etc.

In le section Inseniamento (sub Libros e litteratura) se trova ora 23 "Cartas nordic", cartas postal que presenta motivos del cinque paises nordic - Danmark, Norvegia, Svedia, Finlandia e Islanda - con un breve texto informative e narrative in interlingua.

Le photos e informationes pote esser usate in cursos de interlingua, o si on vole mesme studiar lo sin professor. Il ha pro cata carta cinque questiones super le texto.

Un instruction con ideas de como usar le cartas anque pote esser discargate.

Cartas nordicLe serie comenciava in januario-martio 2009 in le magazin nordic de interlingua, Actualitates - Interlingua i Norden (ISSN 1395-2455), publicate per le quatro organisationes nordic de interlingua. In cata edition de Actualitates es presentate duo nove cartas.

Le Cartas nordic es in le formato PDF que on pote facilemente imprimer

Discarga le Cartas nordic:
Multe materiales pro le inseniamento de interlingua