Le ultime emission de 2010 es festive.

UMI  Radio Interlingua dice a revider a 2010 e benvenite a 2011 per un emission festive.

In le emission de decembre, le hospite Thomas Breinstrup comencia in le natura hibernal coperite per nive e explica como on antea usava le dece-duo dies de Natal pro predicer le tempore pro le anno veniente, mense post mense.

Il ha actualitates in e super interlingua e, naturalmente, belle musica, e Radio Interlingua fini post 17 minutas explosivemente...

Radio Interlingua publica cata mense un nove emission totalmente in interlingua sub le redactorato de Péter Kovács, Hungaria, qui in augusto 2008 assumeva le carga. Le emissiones ha devenite multo popular. Milles de personas los discarga in formato MP3 o ascolta directemente in www.interlingua.com/radio.