Franceses e germanos se incontra in octobre pro assecurar un promotion plus effective de interlingua.

UMIRastatt  Le prime incontro franco-german de interlingua habera loco le 15-17 de octobre in le urbe german Rastatt vicin al frontiera inter le duo paises.

Le nove Union German pro Interlingua (UGI) e le Union Interlinguista de Francia (UIF) in commun invita omnes a participar pro excambiar ideas de como collaborar pro promover interlingua ancora plus in le duo paises - e lor vicinos.

Le incontro comencia venerdi le 15 de octobre a 17 horas e fini dominica le 17 de octobre a 16 horas. Le location es St. Bernhard Bildungszentrum.

Le precio total pro accomodation, incontro e repastos es 150 euros. Si on desira participar sin pernoctar in le centro, le precio es 100 euros.

»Le programma es conversation, conversation e conversation in interlingua pro augmentar le publicationes in interlingua in le paises Germania e Francia. Naturalmente participantes de altere paises es benvenite,« dice Sven Frank, presidente del UGI e secretario general del Union Mundial pro Interlingua.

On debe inscriber se si tosto como possibile ma absolutemente ante le 31 de julio. Post iste data on non pote garantir accomodation.

Inscription: Union German pro Interlingua, Sven Frank, Gartenstr. 13, D-76599 Weisenbach, Germania, o via e-posta.

Photo e plus de informationes super Rastatt: www.rastatt.de (in germano)