Ancora un classico pro infantes e adultos ha essite addite al bibliotheca electronic in interlingua.

Rapunzel  Le conto classic del puera con le longe capillos capturate in un turre per un maga, Rapunzel, ha ora apparite in interlingua.

Le secretario general del UMI, Sven Frank, qui mesme es germano, ha facite le traduction de anque iste conto famose, assi que illo pote placer a un publico ancora plus large in tote le mundo. "Rapunzel" pote esser discargate in le formato PDF gratuitemente del Bibliotheca electronic in interlingua.

Le Bibliotheca electronic in interlingua es un collection de e-libros, redigite e publicate per le Union Mundial pro Interlingua (UMI) in www.interlingua.com. Le collection consiste de textos de qualitate que on pote discargar e leger sur un schermo computatorial - o imprimer sur papiro, secundo su preferentias personal.

Le e-libros in interlingua demonstra le ric varietate de textos original o traducite, belletristic o professional, que existe in le litteratura de interlingua. Le e-libros normalmente es editiones con un limitate numero de paginas; libros plus grande, imprimite sur papiro, pote esser comprate per le Servicio de Libros del UMI.


Ligamines:
Servicio de Libros UMI
Le Bibliotheca electronic in interlingua