UMI  Il ha devenite plus facile participar in le chat in interlingua. Le possibilitate de participar per su navigator de Internet ha essite reestablite. Illo dispareva, quando on cambiava servitor. In le pagina www.interlingua.com/chat on pote leger super le possibilitates, e on pote acceder le foro pro scriber con alteres in interlingua per de novo usar le methodo 2 indicate al pagina. Illes, qui desira un accesso ancora plus rapide, pote salvar le ligamine http://www.interlingua.com/cgi-bin/irc.cgi inter lor paginas favorite. Péter Kovács, informator de interlingua in Hungaria, es le "maestro del chat" in interlingua. Le appunctamentos del chat es cata mercuridi e sabbato a 20 horas CEST o 18 horas UTC.