UMI  Le specialisate dictionario le absolutemente plus grande in interlingua ha essite publicate in le bibliotheca electronic in interlingua. Piet Cleij, le active vice-secretario del Union Mundial pro Interlingua, ha usate annos de labor pro preparar le dictionario con 10.000 terminos biologic anglese-interlingua. Le dictionario plena 122 paginas A5.

Le Bibliotheca electronic in interlingua es un collection de e-libros, redigite e publicate per le Union Mundial pro Interlingua (UMI) in www.interlingua.com. Le collection consiste de textos de qualitate que on pote discargar e leger sur un schermo computatorial - o imprimer sur papiro, secundo su preferentias personal.

Le e-libros in interlingua demonstra le ric varietate de textos original o traducite, belletristic o professional, que existe in le litteratura de interlingua. Le e-libros normalmente es editiones con un limitate numero de paginas; libros plus grande, imprimite sur papiro, pote esser comprate per le Servicio de Libros del UMI.

Visita le Bibliotheca electronic in interlingua per cliccar in le navigation a sinistre.