UMI  Le crescente porto postal significa que le expedition del libros in interlingua costa plus.

Le tarifas postal in Nederland ha essite augmentate drasticamente in 2007, specialmente illos pro invios a paises non-europee. Le Servicio de Libros UMI, que es le expeditor del litteratura de interlingua, es situate in Nederland e ha pro isto debite augmentar le costos de expedir libros. Isto significa
que desde januario le tarifas es le sequentes:

Europa
0-100 g: 1,50 €
100-250 g: 2,50 €
250-500 g: 4,00 €
500-2.000 g: 7,50 €
   
Foras de Europa
0-100 g: 2,50 €
100-250 g: 5,50 €
250-500 g: 10,00 €
500-2.000 g: 20,00 €

Tote le sito del Servicio de Libros UMI in www.interlingua.com/libros essera refacite tosto. Isto significa nove functiones, assi que on immediatemente vide, si le libro ordinate es disponibile, e quanto on debe pagar per su carta a credito per le systema Paypal. Le precios del libros ordinate plus le expedition alora essera calculate automaticamente. Le programmation del nove sito va durar alcun tempore. Le UMI spera que un systema plus moderne e practic va augmentar le vendita del litteratura in e de interlingua. Illo es si abundante que p.ex. le bibliothecas danese ha facite categorias special pro illo.