Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Xx

  Le technologia moderne non sempre ha entrate in le dictionarios de interlingua (e de altere linguas), ma nos besonia le parolas. Ecce un presentation de parolas bon a cognoscer in interlingua, quando tu usa tu smartphone (parola anglese, pronunciate in anglese).

Sur le schermo tactile es monstrate tote le apps (o: applicationes). Preme con le digito pro startar un app. Al summitate del schermo se trova le camera frontal e le altoparlator frontal. Il ha anque le microphono e (al fundo del schermo) le button de initio (assi que on retorna al schermo de initio).

Il ha differente systemas operative (le software fundamental), como Android e iOS. On accede per inserer su codice PIN (o simplemente: PIN, le numero de identification personal) o usar recognoscentia facial.

Importante es le resolution del camera posterior (usate pro prender le majoritate del photos e videos). Le nove cameras ha multe i>lentes.

Al latere del smartphone es placiate le button lateral (pro accender e extinguer le telephono) e le duo buttones de volumine (verso le alto, verso le basso).

Al reverso del telephono se trova le flash (pronunciate in anglese).

Le smartphone ha un supporto pro le carta SIM.

Il ha un prisa de cargator (appellate anque un connector multifunctional a causa del prisa USB-C usate pro transferer datos).

Il ha un

prisa auricular

pro le auriculares (le smartphones le plus moderne usa le technica sin filo Bluetooth pro connecter) ma nulle prisa USB, ni un prisa HDMI.

Le majoritate del smartphones pote adder memoria via un carta de memoria.