Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Le plural special de parolas estranier

  Multe parolas cuje final es un altere consonante que s, x e z, e que non seque o es assimilate al aspecto general o al pronunciation de interlingua, forma normalmente le plural con -s (ma -es non es incorrecte in tal casos), specialmente si isto es le plural final in le lingua de origine:

• cabaret (F) – cabarets
• chauffeur (F) – chauffeurs (ma il ha anque: conductor – conductores)
• chef (F) – chefs
• drug (A) – drugs
• dossier (F) – dossiers
• film (A) – films
• handicap (A) – handicaps
• hotel (F) – hotels
• interview (A) – interviews (ma il ha anque: intervista – intervistas)
• mannequin (F) – mannequins
• portrait (F) – portraits
• quai (F) – quais
• rail (A) – rails
• record (A) – records
• reservoir (F) – reservoirs
• saison (F) – saisons
• souvenir (F) – souvenirs
• tank (A) – tanks
• ticket (A) – tickets (ma: billet – billetes)
• tunnel (A) – tunnels