Historia de interlingua
Biographias A-Z

Herbert Newhard Shenton

Statos Unite de America
Nascite: (non cognite)
Morite: (non cognite) 1937

Herbert N. Shenton esseva secretario del consilio ("executive secretary") del International Auxiliary Language Association de su fundation in 1924 usque su morte in 1937.

Quando IALA organisava le labor developpamentari, Herbert N. Shenton esseva inter le academicos e commerciantes professional qui supportava le labor. Ille esseva professor de sociologia del Columbia University e plus tarde del Syracuse University in New York. In un resolution, signate per Herbert N. Shenton, on concludeva que "un international lingua auxiliar deberea esser establite pro provider un medio de communication plus facile inter gente de diverse linguas materne, o per le adoption o modification de un synthetic o un lingua classic o per le creation de un nove lingua."

Herbert N. Shenton ha contribuite con le essayo "A Social Problem" in "International Communication: A Symposium on the Language Problem" (London: Kegan Paul, Trench, Trubner, & Co., 1931), un parve tomo publicate sub le egide de IALA e del Orthological Institute. Illo contine duo essayos in plus: "The Function of an International Auxiliary Language", per Edward Sapir, e "Interlinguistics", per le danese professor de anglese Otto Jespersen (in 1928 le inventor del lingua artificial Novial). Il es significante que duo tanto eminente scientistas linguistic prendeva in serio le idea de un lingua auxiliar. Le tres essayos exprime lor judicamentos professional super le interlinguistica.

Le extenso in le qual linguas auxiliar habeva essite essayate usate in conferentias international esseva registrate. Le resultatos del projecto de recercas esseva publicate sub le titulo "Cosmopolitan Conversation" per Columbia University Press in 1933.

Bibliographia seligite:

Herbert N. Shenton: "Cosmopolitan Conversation. The Language Problems of International Conferences". "With attention to peace, law & labour conferences, and a chapter on the language problems of the Leage of Nations from a sociological point of view". Columbia University Press, New York, 1933. XVIII + 803 pp.

Herbert N. Shenton et al.: "International Communication: A Symposium on the Language Problem. Psyche Miniatures General Series No. 37. London: Kegan Paul, Trench, Trubner & Co. Ltd., 1931. 16mo. 1st Edition. 120 pp.

Herbert N. Shenton: "Can social engineers improve the international language situation?". Cambridge,R.I.Severs, 1930. 15 p.