Ordinales

§125

Le NUMERALES ORDINAL es adjectivos que ha omne le characteristicas de altere adjectivos in respecto al uso pronominal e substantivate. Le ordinales basic (e lor formas numeric) es:

Omne altere ordinales simple es derivate del cardinales correspondente per le suffixo -esime:

In numerales composite solmente le ultime elemento porta le forma de un ordinal:

le duo cento cinquantesime anniversario ...
Isto es mi tertie.

§126

Le adjectivo FRACTIONAL anglese {half} es medie, le substantivo correspondente medietate. Jungite al substantivo sequente, medie- ha le valor de {mid-} in anglese.

un medie hora ...
duo medie horas ...
le duo medietates ...
duo e medie horas ..., duo horas e medie ...
le medietate del membros ...
le medie membros (i.e. membros con derectos limitate) ...
mediedie ...
medienocte ...

Omne altere numerales fractional es formate secundo le patronos sequente: Expressiones como {a fourth part}, {two fifth parts}, {one sixth part}, etc. es exprimite como in anglese per ordinales simple: un quarte parte, duo quinte partes, un sexte parte, etc. In le plus grande numero de casos, expressiones fractional differe del exemplos date per le absentia de parte. In su loco, le ordinales se cambia a substantivos. Nota que le modello {three quarter mile} debe sempre esser prendite como {three fourths of a mile: tres quartos de un millia.}

Tres quartos plus tres octavos es un e un octavo.
Un medie hora e un quarto de hora es tres quartos de hora.

In numeros mixte que es usate como adjectivos numeral, le fraction pote sequer le substantivo.

un pan e tres quartos ...
duo milliones e tres quintos de prisioneros ...